|
||||||||
|
||
Bilis ng pagbabago ng halaga ng piso, binabantayan ng economic managers
TINIYAK nina Finance Secretary Carlos Dominguez at Budget and Management Secretary Benjamin Diokno na binabantayan nila ang bilis ng pagbabago sa halaga ng dolyar sa piso. Hindi umano mahalaga kung tumaas o bumaba ang halaga ng piso sapagkat kanilang sinusuri kung gaano kabilis ang pagbabagong nagaganap sa ekonomiya.
Ipinaliwanag nilang dalawa na kung ang mga importer ang tatanungin, mahirap para sa kanila ang pagtaas ng halaga ng dolyar sapagkat dollar-denominated ang kanilang mga transaksyon.
Sa kabilang dako, sa pagtaas ng halaga ng piso, nakikinabang ang mga nakapagpapadala ng salapi papasok sa bansa. Umaabot umano sa 10 milyon ang mga Filipino nong nasa ibang bansa at higit sa 50 milyong Filipino ang nakikinabang sa remittances. Maganda rin ang nakakamtan mula sa mga business process outsourcing, dagdag naman ni Secretary Dominguez.
Pinuri ng dalawa sa nangungunang economic managers ng bansa si Bangko Sentral ng Pilipinas Governor Nestor A. Espenilla sa kanyang pagtugon sa mga nagaganap sa exchange rate ng bansa.
© China Radio International.CRI. All Rights Reserved. 16A Shijingshan Road, Beijing, China. 100040 |