Hinggil sa CRIHinggil sa Serbisyo Filipino
   

European Union, mananatiling kabalikat ng Pilipinas

(GMT+08:00) 2018-03-04 17:30:14       CRI

European Union, mananatiling kabalikat ng Pilipinas

 EU, MAKAKABALIKAT PA NG PILIPINAS. Sinabi ng dumadalaw na opisyal ng European Union na nakatuon ang kanilang pansin sa renewable energy at sa Mindanao. Ayon kay Director-General Stefano Manservisi ng International Cooperation and Development, mahalaga ang pagsusulong ng peace process sa Mindanao. (Melo M. Acuna)

SINABI ni Director-General for International Cooperation and Development Stefano Manservisi na nakatuon ang pansin ng European Union sa renewable energy at sa Mindanao.

Sa kanyang pagharap sa mga mamamahayag sa Embahada ng European Union sa Makati City, sinabi ng dumadalaw na opisyal na ikinalulugod nilang ipinasa na ng Senado ang Framework Agreement on Partnership and Cooperation sa pagitan ng Pilipinas at European Union noong nakalipas na Enero.

Naging makabuluhan, maayos at mahalaga ang kanyang pakikipagpulong kina dating Senate President at ngayo'y Special Envoy to the European Union Edgardo J. Angara, Senate President Aquilino Pimentel III, Finance Secretary Carlos Dominguez at Socioeconomic Planning Secretary Ernesto M. Pernia.

Pinag-usapan nila ang mga paraan upang higit na pakinabangan ang kasunduan sa pagitan ng Pilipinas at European Union.

Niliwanag ni G. Marservisi na walang sinuman sa kanyang mga nakausap ang bumanggit ng hinggil sa Human Rights. Pinag-usapan nila ang mga interes ng magkabilang panig at ang kahalagahan ng mga ito sa rehiyon.

Mula 2014 hanggang 2020, naglaan ang European Union ng € 325 milyon para sa development projects at investments na nakatuon sa renewable energy sapagkat mayroon pang 10% ng mga mamamayan ang walang serbisyo ng kuryente. Mahalaga rin sa kanila ang nagaganap sa Mindanao sapagkat naniniwala sila sa pagsusulong ng peace process.

Layunin nilang magkaroon ng mas maraming trabaho para sa mga Filipino sa pamamagitan ng investments.

Kung mayroon mang mga 'di pagkakaunawaan at may mekanismo ang kasunduang iparating sa kabilang panig ang mga isyu at pag-aatubili upang malutas kaagad.

Nawala ang € 6.1 milyong tulong ng European Union sapagkat walang malinaw na paraan na binanggit ang Pilipinas kung paano gagamitin ang pondo. Nakatakda sanang lagdaan ang kasunduan noong Disyembre subalit hindi ito nalagdaan ng Pilipinas.

Unang lumabas sa balita na tinanggihan ng Pilipinas ang tulong dahil sa panghihimasok sa kampanya ni Pangulong Duterte laban sa droga.

1  2  3  
May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>