|
||||||||
|
||
20180607melo.m4a
|
Bagong paliparan sa Cebu, pinasinayaan
BAGONG TERMINAL, PINASINAYAAN. Makikita si Pangulong Rodrigo Duterte na sinasalubong ni Transport Secretary Arthur Tugade sa tanghalan pang simulan na ang palatuntunan sa pagpapasinaya ng makabagong terminal building. Naroon din si Executive Secretary Salvador Medialdea (pang-pat mula sa kanan). (DoTr Photo)
PINAMUNUAN ni Pangulong Rodrigo Duterte ang pagpapasinaya sa bagong paliparan sa Cebu kanina.
Ayon kay Pangulong Duterte, ang Cebu International airport terminal building ang pinakamagandang terminal sa bansa ngayon.
Pinasalamatan din ni G. Duterte si Transport Secretary Arthur Tugade na siyang nag-utos na madaliin ang pagpapatayo ng terminal na nasimulan noong panahon ni Pangulong Benigno Simeon Aquino III noong 2016.
Mula sa unang araw ng Hulyo, sa terminal na ito daraan ang mga pasaherong patungo at magmumula sa iba't ibang bansa samantalang ang kasalukuyang terminal ang gagamitin ng mga domestic passengers.
May 25 international destinations na nagmumula sa Mactan Cebu International Airport samantalang mayroon ding 30 domestic flights na nagmumula at dumarating sa paliparan.
Mayroon ding 26 na international airlines na gumagamit ng paliparan. Ang pagpapasinaya ay sinaksihan din ng mga miyembro ng gabinete, mga mambabatas, opisyal ng pamahalaang local at mga namumuno sa GMR Megawide Cebu Airport Corporation at mga kinatawan ng iba't ibang kumpanya ng eroplano.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |