|
||||||||
|
||
Cash-based budget, kontrobersyal
CASH-BASED BUDGETING, MAHIRAP. Inamin ni House Appropriations committee chair Congressman Karlo Nograles na ngayon pa lamang susubukan ang sistemang ito ay nahihirapan sila sapagkat may mga proyektong 'di matatapos sa loob ng isang taon.
NAHIHIRAPAN ang Kongreso sa panukalang cash-based budgeting na nais ipatupad ng Department of Budget and Management.
Ito ang sinabi ni Congressman Karlo Nograles, chairman ng Committee on Appropriations sa idinaos na Wednesday Roundtable @ Lido sapagkat hindi pa nasusubukan ang ganitong kalakaran sa kasaysayan ng pamahalaan. Ipinaliwanag niyang ang mga proyektong balak ipatupad ng pamahalaan ay nararapat na matupad ayon sa schedule sa buong taon. Ang mga proyektong 'di matatapos sa taon ay hindi na mababayaran.
Ayon kay Congressman Bayani Fernando, isang malaking problema ito sapagkat wala nang magpapa-utang sa mga kontratista sapagkat nagtatagal ang mga proyekto ng higit sa isang taon. Kahit umano mga bonding agency ay hindi na mangangahas na maglaan ng salapi sa mga kontratista sa pangambang hindi na mababayaran.
Inihalimbawa naman ni CHED Officer-In-Charge De Vera na may mga state universities and colleges na nagbubukas ng unang semestre sa ikatlong kwarter ng bawat taon at ang talaan ng mga mag-aaral ay matatapos lamang sa loob ng isa o dalawang buwan. Sa pagbubukas ng ikalawang semestre sa buwan ng Enero, wala nang salapi sapagkat ibang taon na ang paglalaanan ng salapi.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |