|
||||||||
|
||
Pitong magdaragat, pauwi na ng Pilipinas; Sampung iba pang magdaragat, dinukot
NAKATAKDANG makabalik sa Pilipinas ang pitong seafarer na dinukot ng mga pirata noong nakalipas na Sabado, ika-22 ng Setyembre samantalang naglalayag sa karagatan ng Nigeria.
Ang pitong magdaragat na hindi pinangalanan ay kanilang sa 12 tripulante ng MV Glarus na napasok ng mga pirata samantalang naglalakbay mula sa Lagos patungo sa Port Harcourt.
Ibinalita ni Ambassador Shirley Ho-Vicario na nasa Zurich na ang mga magdaragat noong nakalipas na araw ng LInggo at pauwi na ng Pilipinas. Pinalaya ang mga Filipino noong Linggo, ika-28 ng Oktubre.
Hindi nabanggit sa ulat ni Ambassador Ho-Vicario kung may ransom na binayaran ang may-ari ng barko na pawang mga Swiss national.
May sampung mga magdaragat na Filipino ang nadukot ng mga pirata sa hiwalay na insidente sa Nigera.
Ibinalita rin ni Philippine Ambassador Ho-Vicario na dalawang Filipinong lulan ng isang barkong rehistrado sa Libera ang napasok ng mga pirata at nakasama ang dalawa sa 11 kataong dinukot ng mga armado noong nakalipas na Sabado.
Samantala, walong iba pang mga Filipino na sakay ng isang Panamanian tanker ang hinahanap pa sapagkat nakasama sila ng siyam na ibang tripulanteng nawawala ng makasakay ang mga armado sa barko noong nakalipas na Lunes, ika-29 ng Oktubre.
Inaalam pa ng Embahada ng Pilipinas kung nasaan ang mga magdaragat at pagtatangkaang mapalaya sa pagkakabihag ang mga ito. Walang impormasyon kung iisang grupo ang may kinalaman sa tatlong hiwalay na pagdukot.
Hindi pa rin kinikilala ang mga baging biktima ng kidnapping.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |