Hinggil sa CRIHinggil sa Serbisyo Filipino
   

Social media campaign na "The Global Filipino," inilunsad sa Tsina

(GMT+08:00) 2019-01-17 16:47:47       CRI

 

Raffy Hermoso, Media Officer ng Pasuguan ng Pilipinas sa Beijing

Bilang pagkilala sa Buwan ng mga Overseas Filipinos; inilunsad kamakailan ng Kagawaran ng Ugnayang Panlabas ng Pilipinas (DFA) ang kampanyang tinaguriang "The Global Filipino."

Ayon sa opisyal na dokumentong mula sa Pasuguan ng Pilipinas sa Beijing, ang nasabing kampanya ay alinsunod sa bisa ng Proklamasyon Bilang 276, Serye 1988, at pag-endorso ng United Nations General Assembly (UNGA) sa Global Compact on Safe, Orderly, and Regular Migration noong Disyembre 19, 2018.

Anang Pasuguang Pilipino, layon ng nasabing kampanyang palakasin ang kamalayan ng publiko sa dibersidad ng mga Komunidad-Pilipino na nasa ibang bansa, na kinabibilangan ng mga manggagawa, negosyante, estudyante, alagad ng sining, misyonaryo, turista, at marami pang iba.

Bibigyang-importansya ng The Global Filipino ang kontribusyon ng mga Pilipinong manggagawa sa kanilang bansang pinagtatrabahuhan, sa pamamagitan ng pagbabahagi ng kanilang mga kuwento sa social media, tulad ng website ng DFA, Twitter, at Instagram, dagdag pa ng embahada.

Bukod dito, sinabi rin ng pasuguang Pilipino na susuportahan ng kampanya ang gawaing pandiplomasiya ng DFA at pasusulungin ang naisin nitong mapalapit sa mga manggagawang Pilipino sa ibang bansa sa pamamagitan ng social media.

Nominado sa naturang kampanya ang inyong lingkod, Rhio Zablan.

Ayon sa alituntunin, ang mga nominado ay maaring pumili ng tatlo sa labintatlong katanungan, at sa pamamagitan ng 500 salita, kailangang sagutin ang bawat isa sa mga ito.

Maaari ring sagutin ang mga napiling katanungan sa pamamagitan ng video.

Kabilang sa mga tanong ay ang mga sumusunod:

1. Ano ang kuwento ng iyong buhay bilang isang Pilipinong naninirahan/ nagtratrabaho/ nag-aaral/ naglalakabay sa ibang bansa?

2. Ano ang nagtulak sa iyo para manirahan/ magtrabaho/ mag-aral/ maglakbay sa ibang bansa?

3. Ano ang pinakmatinding hamon na iyong kinaharap sa pagtira/ pagtratrabaho/ pag-aaral/ paglalakabay sa ibang bansa, at paano mo ito nalampsan.

4. Ano ang iyong napagtanto sa iyong karanasan bilang isang Pilipinong naninirahan/ nagtratrabaho/ nag-aaral/ naglalakabay sa ibang bansa?

5. Paano mo bibigyan kahulugan ang salitang "Tagumpay"?

6. Itinuturing mo bang nagtagumbay ka na sa napili mong larangan?

7. Ano ang pinakamatayog mong pangarap sa buhay?

8. Sa iyong saliling pananalita, paano mo maipapaliwanag ang pagiging isang Pilipino?

9. Ano ang isang bagay na masasabi mong ipinagmamalaki mo na isa kang Pilipino?

10. Ano ang pinakanami-miss mo sa Pilipinas?

11. Ano gusto mong malaman ng iyong mga kaibigang o katrabahong banyaga tungkol sa Pilipinas?

12. Ano ang gusto mong ituro o ipamana sa iyong mga anak (o magiging mga anak) tungkol sa pagiging Pilipino?

13. Ano ang iyong pangarap para sa Pilipinas?

 

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>