Nasa Lalawigang Yunnan sa Timog Kanluran ng Tsina ang Prepecturang Awtonomo ng Lahing Bai ng Dali. Lawang Erhai ang nasa silangan nito at Bundok ng Diancang sa kanluran. Presko ang klima dito, mataba ang lupa at maganda ang tanawin. May apat na kilalang tanawin sa Dali na kinabibilangan ng hangin sa Xiaguan Town, bulaklak sa Shangguan Town, niyebe sa Bundok ng Cang at buwan sa Lawang Erhai. Isa ito sa mga medyo maagang rehiyong ginalugad sa purok-hanggahan sa Timog Kanlurang Tsina.
Makulay ang kultura at kaugaliang lokal sa Dali. Bilang sentro ng pulitika, kabuhayan at kultura ng Lalawigang Yunnan nitong nakalipas na ilandaang taon, nagtipun-tipon dito ang mga literator at kilalang personahe at nag-iwan sila ng nakararaming mahahalagang dokumentong kultural at materiyal.