Bilang isang karagdagang paraan ng pagboto sa "2012 Chinese City Rankings," maari nang bumoto sa aktibidad na ito ang mga mobile phone users sa Tsina, sa pamamagitan ng SMS o short messages. Maari nilang ipadala sa numerong 106695883 ang message na "8027#+" at code number ng lunsod na napili.

Sa isang may kinalamang ulat, sapul nang ipalabas ng CRI ang mga voting sites sa 26 na wika para sa "2012 Chinese City Rankings," hanggang sa kasalukuyan, lampas na sa 1 milyon ang kabuuang bilang ng mga boto. Kabilang dito, pinakamarami ang mga boto mula sa mga voting sites sa wikang Ingles, Aleman, Pranses, Hapones, at Koreano. Pagdating naman sa bilang ng boto sa mga kandidatong lunsod, ang Beijing, Chengdu at Shanghai, ang unang tatlo na nakakuha ng pinakamaraming boto.