Ipinahayag kahapon ni Xi Jinping, pangalawang pangulo ng Tsina, na tutupdin ng kaniyang bansa ang pangako nito sa pagbi-bid sa Olimpiyada at ipagkakaloob ang maginhawang serbisyo sa mga media sa pagkokober at pagbabalita sa Beijing Olympic Games.

Winika ito ni Xi sa kaniyang pakikipagtagpo kay Dick Ebersol, presidente ng departamento ng Olimpiyada ng NBC Universal Sports and Olympics ng Estados Unidos.

Nagpahayag si Xi ng pasasalamat sa aktibong pagbabalita at pagkatig ng NBC Universal Sports and Olympics sa Beijing Olympic Games. Sinabi niya na puspusang nagsasagawa ang Beijing ng iba't ibang paghahanda para sa Olimpiyadang ito.

Ipinahayag naman ni Ebersol na buong sikap na kakatigan ng NBC Universal Sports and Olympics ang iba't ibang paghahanda para sa Beijing Olympics, at inaasahan aniyang matatamo ang kasiya-siyang tagumpay ng Beijing Olympic.

Salin: Li Feng