Nang kapanayamin ng 16 na media na Hapones sa Tsina, sinabi dito sa Beijing ngayong araw ni pangulong Hu Jintao ng Tsina na abalang-abalang isinasagawa ang iba't ibang paghahanda para sa Beijing Olympic Games, at mainit na tinatanggap ng Tsina ang paglahok ng mga manlalaro ng iba't ibang rehiyon ng iba't ibang bansa sa Beijing Olympics at ang panonood ng mga kaibigan ng iba't ibang bansa sa Olimpiyadang ito.

Tinukoy ni Hu na ang Beijing Olympic Games ay maringal na pangyayaring pampalakasan para sa buong daigdig, ito aniya ay nabibilang hindi lamang sa mga mamamayang Tsino, kundi sa mga mamamayan ng iba't ibang bansang Asyano at ng buong daigdig.

Binati rin niya na matatamo ng mga manlalaro ng iba't ibang bansa at rehiyon na kinabibilangan ng Hapon, ang magandang tagumpay sa Beijing Olympic Games.

Salin: Li Feng