Noong alas-14:28 kahapon, nasa Potala Palace sa Lhasa, punong lunsod ng rehiyong awtonomo ng Tibet, idinaos ng mga libong mamamayan sa iba't ibang nasyonalidad ng Tibet ang seremonya ng tahimik na pagluluksa bilang pakikipagdalamhati sa mga nasawi sa napakalakas na lindol sa Wenchuan ng lalawigang Sichuan.

Pagkaraang maganap ang lindol sa Wenchuan ng Sichuan, idinaos ng mga mamamayan ng iba't ibang nasyonalidad ng Tibet ang malaking aktibidad ng pag-aabuloy. Kahapon, inihatid sa Sichuan ang kanilang ini-abuloy na relief supplies na nagkakahalaga ng halos 11 milyong yuan RMB. Hanggang kamakalawa, tinanggap ng kawanihan ng mga suliraning sibil ng rehiyong awtonomo ng Tibet ang abuloy na pondo na halos 20 milyong yuan RMB, at ipinagpapatuloy ang mga aktibidad ng pag-aabuloy sa iba't ibang lugar ng Tibet.

Salin: Ernest