Sa kaniyang pakikipagtagpo kahapon sa Beijing sa mga dayuhang kinatawan sa ikalawang simposyum ng pagtutulungan ng mga mass media ng ASEAN at Tsina, Hapon at Timog Korea, pinasalamatan ni Li Changchun, pirmihang kagawad ng Pulitburo ng Komite Sentral ng Partido Komunista ng Tsina (CPC), ang tulong ng komunidad ng daigdig sa nilindol na purok ng Wenchuan ng lalawigang Sichuan.

Sinabi ni Li na pagkaraang maganap ang napakalakas na lindol sa Wenchuan ng Sichuan at iba pang mga lugar ng Tsina, tinanggap ng kaniyang bansa ang pakikiramay at tulong ng komunidad ng daigdig na kinabibilangan ng mga pamahalaan at mamamayan ng ASEAN, Hapon at Timog Korea, pinasalamatan ito ng panig Tsino. Umaasa siyang sa pamamagitan ng mass media ng Myanmar, ini-abot ang lubos na pakikidalamhati sa mga nasawi ng Myanmar sa malakas na bagyo at pakikiramay sa mga mamamayan ng Myanmar.

Ang nabanggit na simposyum ay idaraos sa malapit na hinaharap sa Tianjin.

Salin: Ernest