|
Nakipagtagpo ngayong araw sa Beijing si pangulong Hu Jintao ng Tsina sa mga dayuhang lider na dumalo sa seremonya ng pagbubukas ng Beijing Olympic Games.
Sa kanyang pakikipagtagpo kay pangulong Gloria Macapagal-Arroyo ng Pilipinas, ipinahayag ni Hu na ang Pilipinas ay isang mahalagang kasapi ng ASEAN. Nakahanda anya ang Tsina na pahigpitin ang kooperasyon nila ng Pilipinas para mapasulong ang pagtamo ng bagong bunga ng estratehikong pagtutulungan ng dalawang bansa.
Ipinahayag naman ni Arroyo na ang relasyong Sino-Pilipino ay isa sa mga pinakamahalagang bilateral na relasyon ng Pilipinas. Umaasa anya ang Pilipinas na palalalimin at palalawakin ang pakikipagtulungan sa Tsina sa iba't ibang larangan. Iniharap din ni Arroyo na aanyayahan ang 100 bata na galing sa nilindol na Sichuan ng Tsina para bumisita sa Pilipinas.
Nakipagtagpo rin si Hu sa mga pangulo ng Timog Korea, Turkmenistan, Kyrgyzstan, Tajikistan, Uzbekistan, Armenia at Azerbaijan at punong ministro ng Rusya.
Salin: Liu Kai
|
