Ipinahayag ngayong araw sa Beijing ni Ouyang Weimin, opisyal ng People's Bank of China--Bangko Sentral ng Tsina, na sapul nang buksan ang Beijing Olympic Games, maalwang tumatakbo ang sistema ng pagbabayad na pinansyal ng bangko sentral at iba't ibang bangkong komersyal.

Sinabi ni Ouyang na sa panahon ng Olimpiyada, isinagawa ng Tsina ang maraming hakbangin para mapabuti ang sistema ng pagbabayad. Ayon sa kasalukuyang kalagayan, mataas ang lebel ng sistemang ito sa seguridad at pagkakatiwala.

Salin: Andrea