Sinabi ngayong araw dito sa Beijing ni Yu Ping, pangalawang direktor ng kawanihan ng cultural relics ng Beijing, na sa panahon ng Olimpiyada, mahigit 110 eksbisyong may kinalaman sa Olimpiyada ang idinaos at idaraos sa Beijing na mainit itong tinanggap ng mga turista mula sa loob at labas ng bansa.

Sa isang preskong idinaos nang araw ring iyon sa Beijing International Broadcasting Center, sinabi ni Yu na mula unang araw hanggang ika-13 ng buwang ito, nakatanggap ang mga eksbisyon ng 1.45 milyong person-time ng turistang Tsino at dayuhan na kinabibilangan ng mga 100 libong turistang dayuhan na galing sa halos 60 bansa't rehiyon.

Salin: Sissi