Sinabi ngayong araw sa Beijing ni Tang Xiaoquan, pangalawang tagapangulong tagapagpaganap ng Lupong Tagapag-organisa ng Beijing Olympic Games, na sa kasalukuyan, maalwan ang gawaing paghahanda para sa Beijing Paralympic Games.

Inilahad ni Tang na sa kasalukuyan, isinagawa na ang pagsubok sa lahat ng 20 venues ng Paralympics. Bukod dito, natapos na ang barrier-free reconstruction sa 22 ospital at 16 na otel para sa Paralympics.

Sa panahon ng Paralympics, isasaoperasyon din ng Beijing ang 16 na espesyal na linya ng transportasyong pampubliko at ipagkakaloob ang 400 barrier-free bus para sa Paralympics.

Salin: Ernest