Sa kanyang paglalakbay-suri kahapon sa Beijing sa mga pasilidad para sa Beijing Paralympic Games, tinukoy ni pangalawang pangulong Xi Jinping ng Tsina na dapat buong husay na gawin ang iba't ibang paghahanda para sa palarong ito para maigarantiyang parehong kahanga-hanga ang Olympics at Paralympics.

Binigyang-diin ni Xin na ang palarong ito ay isang Paralympics na pinakamarami ang kalahok at pinakamalawak ang saklaw sa kasaysayan at dapat buong sigla at sikap na gawin ang iba't ibang paghahanda para maging masigla, kahanga-hanga at matagumpay ang Beijing Paralympics.

Tinukoy din ni Xi na malaki ang pagpapahalaga at marami ang laang-gugulin ng Tsina sa usaping may kinalaman sa may-kapansanan at lubos na iginagalang at iginagarantiya ang karapatang pantao ng may-kapansanan. Anya, sa pamamagitan ng pagdaraos ng Paralympics, dapat likhain ang atmospera ng pagkakaunawa, pagmamalasakit, paggalang at pagbibigay-tulong sa may-kapansanan para mapasulong ang usaping may kinalaman sa may-kapansanan ng Tsina.

Salin: Liu Kai