Ipinahayag ngayong araw ng People's Bank of China, bangko sentral ng Tsina, na aktibong lumalahok ang Tsina sa proyekto ng trade financing ng World Bank at iba pang multilateral na organo ng pagpapaunlad para matulungan ang mga bagong economy at umuunlad na economy na matamo ang pondo sa kasalukuyang mahirap na kalagayan.

Ipinahayag ng naturang bangko na bibili ang Tsina ng private placement bond ng International Finance Corporation ng WB para magkaloob ng pagkatig sa aspekto ng pondo sa mga organong pinansyal na nagsasagawa ng trade financing. Bukod dito, magkakaloob ang bangkong ito ng pondo sa Inter-American Development Bank, African Development Bank at Asian Development Bank bilang pagkatig sa pag-unlad sa lokalidad. Lumahok din ang Tsina sa pagtatatag ng iba't ibang bilateral at rehiyonal na cooperation fund para mapabuti ang trade financing sa mga lugar.

Salin: Sissi