Sinimulan kahapon sa Kunming ng Yunnan ng Tsina ang training class na idinaos sa kauna-unahang pagkakataon, ng Tsina para sa mga mataas na opisyal ng Cambodia sa pakikibaka sa droga. Isasagawa ng 15 mataas na opisyal ng Cambodia mula sa lupon ng pakikibaka sa droga, departamento ng pangkalahatang kawanihan ng pulis sa pakikibaka sa droga at mga kawanihan ng pulis ng siyam na lalawigan at lunsod ng Cambodia, ang 15 araw na pag-aaral sa Yunnan Police Officer Academy.

Ang pangunahing nilalaman ng naturang pag-aaral ay kinabibilangan ng pag-alam ng kalagayang pang-estado ng Tsina, sistema ng suliraning pulis ng Tsina, gawain ng pakikibaka ng Yunnan sa droga, pandaigdigang pagtutulungan sa pakikibaka sa droga at iba pa.

Salin: Li Feng