Sasakyang pangkalawakang Shenzhou-14, dumaong sa space station ng Tsina: 3 taikonaut, pumasok sa core module

Isiniwalat kagabi, Hunyo 5, 2022 ng China Manned Space Agency (CMSA) na pumasok na sa Tianhe Core Module ng space station ng Tsina ang tatlong taikonaut mula sa Shenzhou-14.

Kabilang sa mga ito ay sina: Chen Dong, Liu Yang at Cai Xuzhe.

Makaraang matagumpay na isagawa ng Shenzhou-14 ang pakikipaghugpong at pagdaong sa Tianhe Core Module, Tianzhou-3 Cargo Craft at Tianzhou-4 Cargo Craft, sunud-sunod na pumasok ang mga taikonaut sa orbital capsule, mula sa return capsule ng spaceship.

Isasagawa nila ang mga kaukulang gawain, ayon sa nakatakdang plano.

Salin: Vera

Pulido: Rhio