Domestikong turista sa bakasyon ng Labor Day sa Tsina, mahigit 274 milyong person-time

2023-05-04 15:17:41  CMG
Share with:

 

Ayon sa Ministri ng Kultura at Turismo ng Tsina, Mayo 3, 2023, umabot sa 274 milyong person-time ang bilang ng mga domestikong turista sa bansa noong nagdaang Labor Day holiday, at ito’y lumaki ng halos 71% kumpara sa gayunding panahon ng 2022.

 

Anito pa, mahigit 148 bilyong yuan Renminbi ang kita ng domestikong turismo na lumaki ng halos 129% kumpara sa gayunding panahon ng nakaraang taon.

 

Idinaos sa buong bansa ang mahigit 31 libong iba’t-ibang uri ng palabas, mahigit 1.5 bilyong yuan Renminbi ang kita ng box-office, at ang bilang ng mga manonood ay umabot sa mahigit 8.65 milyong person-time, dagdag ng ministri.

 

Ang mga popular na destinasyon ay kinabibilangan ng Beijing, Hangzhou, Dali, Xiamen, Chongqing, Changsha at Zibo.


Salin: Ernest

Pulido: Rhio