Pagbati sa matatandang boluntaryo, inihayag ng pangulong Tsino

Sa bisperas ng Pestibal ng Chongyang, isang tradisyonal na pagdiriwang ng Tsina, isang mensahe ang ipinadala ngayong araw, Setyembre 10, 2024 ni Pangulong Xi Jinping ng bansa sa matatandang boluntaryo ng Silver Age Action.

Magiliw na tinukoy ni Xi, na ang aktibong paglahok ng matatanda sa voluntary service ay nagdudulot ng positibong epekto sa lipunan at nagpapakita ng kagandahang-loob ng mga may-edad na Tsino.

Hiniling din niya sa mga may kinalamang departamento ng pamahalaan sa iba’t-ibang antas, na lubos na pahalagahan ang mga gawaing may kinalaman sa matatanda, at pabutihin ang mga hakbangin para maayos na asikasuhin ang kanilang pamumuhay.

Salin: Ernest

Pulido: Rhio