Sa nakaraang Belt and Road Forum for International Cooperation evening gala kasama sa mga nagtanghal si Rolie Gabriel Pengson. Si Gabby ay 10 years old at Grade 4 sa Fengcaodi Primary School sa Beijing. Hindi ito ang first time na nagperform si Gabby para sa mga world leaders. Dahil may ilang pagkakataon na ring siya ang kiddie representative ng Pilipinas sa mga malaki at mahalagang international events na ginanap sa Beijing kamakailan. Aniya sobrang proud siyang mapili sa mga okasyon gaya ng Belt and Road Forum at APEC. Dalawang pangulo na rin ang nakita niyang malapitan, si Pnoy at si Tatay Digong. Dahil sa maagang pagka exposed sa international events at madalas na pagrepresenta sa Pilipinas, tinanong ng CRI Filipino Service kung balak ba niyang maging diplomat o ambassador balang araw. Ang sagot ni Gabby ay mapapakinggan sa panayam ni Mac Ramos sa programang Mga Pinoy sa Tsina.

Si Gabby Pengson (kanan) habang nagtatanghal sa Belt and Road Forum for International Cooperation evening gala.

Kabilang sina Pangulong Xi Jinping at Panguling Vladimir Putin na mga nanood ng evening gala kung saan nagtanghal ang mga mag-aaral ng Fengcaodi School International Department.

Mga batang umawit ng "Song and Smile" sa evening gala ng Belt and Road Forum for International Cooperation.

Si Gabby Pengson sa isang international cultural festival sa Fengcaodi Primary School.