Sa darating na October 6, 2017 gaganapin sa Beijing Tennis Administration Center ang 2017 Belt and Road Tennis Cup.

Hangad nitong isulong ang Belt and Road Initiative sa pamamagitan ang pagpapaunlad ng palakasan at pagtatatag ng kooperasyon sa iba'ibang mga bansa.

Si Sr. Supt. Neil Alinsangan (kaliwa) at si Juvan Divinagracia (kanan), kasama ni Mac Ramos (gitna) ng Serbisyo Filipino.

Sa torneo inaasahang magkakaroon ng plataporma ng pagpapalitan sa palakasan, partikular na sa larong lawn tennis.

Ang 2017 Belt and Road Tennis Cup ay itinataguyod ng Beijing Tennis Association at ng Silk Road Cities Alliance.

Mga miyembro ng Saturday Tennis Club Beijing na binubuo karamihan ng mga Pinoy tennis enthusiasts.

Lalahok ang Team Pilipinas + 3 sa nasabing torneo. At aktibong katuwang ng organizers si Sr. Supt. Neil Alinsangan, Attache ng Philippine National Police sa Pasuguan ng Pilipinas sa Beijing. Kasama niya si Juvan Divinagracia, limang taon nang professional tennis coach sa AGTA Academy ng Haidian Foreign Language School sa Beijing.

Sa programang Mga Pinoy sa Tsina kanilang ibinahagi ang paghahanda ng Team Pilipinas sa 2017 Belt and Road Tennis Cup.