Kennith Dillena, PhD. Scholar sa Shanghai University

(GMT+08:00) 2018-12-29 18:57:24       CRI2018-12-29 18:57:25

Dalawang taon na sa Shanghai si Kennith Dillena. Isa siya sa iilang Pinoy recipient ng China Government Scholarship para sa taong 2016. Si Kennith ay kumukuha ng Doctorate in Sociology sa Shanghai University –College of Political Science and Sociology. Aniya, sa larangan ng sosyolohiya, isa ang Shanghai University sa mga nangunguna sa mundo, kaya pinili niyang dito isagawa ang pagpapakadalubhasa.

Kennith Dillena, PhD. Scholar sa Shanghai University

Si Kennith Dillena

Bago pumunta sa Tsina, si Kennith ay faculty sa De La Salle University. Sa episode ng Mga Pinoy sa Tsina ibinahagi niya ang damdamin ng solong estudyanteng Pinoy sa napakalaking prestiyosong pamantasan sa lunsod na tinaguriang financial hub ng Tsina. Bukod dito pinulsuhan ni Kennith ang Belt and Road Initiative na isinusulong ng Tsina maging ang hangarin nito para sa isang komunidad na may pinagbabahaginang kinabukasan.