Ayon sa ulat ngayong araw, Linggo, ika-17 ng Marso 2019, ng National Disaster Management Agency ng Indonesya, 42 katao ang nasawi, at 21 iba pa ang nasugatan sa baha na naganap kagabi sa lalawigang Papua sa silangang bahagi ng bansang ito.
Ayon pa rin sa ahensiyang ito, 150 pabahay, 1 tulay, at 9 na ospital ang nawasak din sa nabanggit na bahang dulot ng tuluy-tuloy na pag-ulan. Dagdag pa ng ahensiya, isinasagawa ngayon ang rescue works sa mga binahang lugar, at inihatid na ang mga tulong na materyal.
Salin: Liu Kai