Ministrong Panlabas ng Tsina, nakipagtagpo sa pangkalahatang kalihim ng Ministring Panlabas ng Malaysia

Nakipagtagpo Martes, Abril 16, 2019 sa Beijing si Wang Yi, Kasangguni ng Estado at Ministrong Panlabas ng Tsina, kay Muhammad Shahrul Ikram Yaakob, Pangkalahatang Kalihim ng Ministring Panlabas ng Malaysia na kalahok sa ika-4 na round ng estratehikong pagsasanggunian ng Tsina at Malaysia.

Sinabi ni Wang na hinahangaan ng panig Tsino ang Asian Values na iminungkahi ni Punong Ministro Mahathir bin Mohamad ng Malaysia. Winewelkam niya ang pagdalo ni Mahathir sa gaganaping ika-2 Belt and Road Forum for International Cooperation (BRF). Dagdag niya, lipos ng kompiyansa ang panig Tsino sa pag-unlad ng relasyong Sino-Malay sa hinaharap.

Nagpahayag naman si Shahrul ng kahandaan ng panig Malay na palakasin ang pakikipag-ugnayan sa panig Tsino sa mataas na antas, palalimin ang mapagkaibigang kooperasyon sa iba't ibang larangan, at pag-ibayuhin ang relasyon ng dalawang bansa.

Salin: Vera