Idinaos Miyerkules, Abril 17, 2019, ang halalang pampanguluhan ng Indonesia. Mahigit 190 milyong rehistradong mamamayan ang pumunta sa mahigit 800 libong polling precints sa buong bansa para bumoto at maihalal ang bagong pangulo at pangalawang pangulo ng bansa.
Upang maigarantiya ang maayos na pagsasagawa ng halalan, idineploy na ng pamahalaang Indones ang halos 600 libong pulis at sundalo sa buong bansa. Bukod dito, pinalakas ng mga awtoridad ang seguridad sa paligid ng mga polling precints.
Sa karaniwang kalagayan, tatagal ng mahabang panahon ang pagbibilang ng mga boto, at lalabas ang resulta ng halalang ito sa unang dako ng darating na Mayo.
Salin: Li Feng