PM Malay: pag-unlad ng Tsina, nagdudulot ng pakinabang sa daigdig

(GMT+08:00) 2019-04-20 15:49:52       CRI2019-04-20 15:49:53

Sa panayam kamakailan kaugnay ng kanyang pagdalo sa gagawing Ika-2 Belt and Road Forum for International Cooperation, sinabi ni Punong Ministro Mahathir bin Mohamad ng Malaysia, na ang pag-unlad ng Tsina ay nagdudulot ng pakinabang sa daigdig.

Sinabi ni Mahathir, na ang Belt and Road Initiative na iniharap ng Tsina ay malikhaing ideyang makakabuti sa pag-uugnayan at pagtutulungan ng iba't ibang bansa. Positibo aniya ang Malaysia sa inisyatibang ito, at nakahandang aktibong lumahok dito.

Ipinalalagay ni Mahathir, na nitong ilang taong nakalipas, natamo ng Tsina ang kapansin-pansing bunga sa mga aspekto ng manupaktura, information technology, at iba pa. Ang mga ito aniya ay hindi lamang nagdudulot ng malaking pagbabago sa paraan ng pamumuhay ng mga tao, kundi nagkakaloob din ng bagong pagkakataon para sa kasaganaan ng daigdig.

Ipinahayag din ni Mahathir, na hindi lamang ang Malaysia, kundi rin ang buong daigdig ay makikinabang sa pag-unlad ng Tsina. Umaasa aniya siyang magiging mas malawak ang kooperasyong Malay-Sino.

Salin: Liu Kai