Tsina at Laos, lumagda sa plano ng aksyon para sa pagtatatag ng komunidad ng pinagbabahaginang kinabukasan

(GMT+08:00) 2019-05-01 14:49:36       CRI2019-05-01 14:49:37

Tsina at Laos, lumagda sa plano ng aksyon para sa pagtatatag ng komunidad ng pinagbabahaginang kinabukasan

Nag-usap kahapon, Martes, ika-30 ng Abril 2019, sa Beijing, sina Xi Jinping, Pangkalahatang Kalihim ng Komite Sentral ng Partido Komunista ng Tsina (CPC) at Pangulo ng bansa; at Bounnhang Vorachit, Pangkalahatang Kalihim ng Komite Sentral ng Lao People's Revolutionary Party (LPRP) at Pangulo ng Laos.

Nilagdaan din ng dalawang lider ang plano ng aksyon ng CPC at LPRP para sa pagtatatag ng komunidad ng pinagbabahaginang kinabukasan ng Tsina at Laos, bilang dokumento ng pagpapasulong sa pagtatatag ng komunidad na ito, at pagbubukas ng bagong panahon ng relasyong Sino-Lao.

Tsina at Laos, lumagda sa plano ng aksyon para sa pagtatatag ng komunidad ng pinagbabahaginang kinabukasan

Sa pag-uusap, sinabi ni Xi, na dapat panatilihin ng Tsina at Laos ang mahigpit na pagpapalagayan sa mataas na antas, at palalimin ang pragmatikong kooperasyon, bilang ambag para sa kapayapaan, katatagan, at komong kaunlaran sa rehiyong ito.

Ipinahayag naman ni Bounnhang ang kahandaan ng Laos, na pabilisin kasama ng Tsina, ang pagsasagawa ng mga proyektong pangkooperasyon sa ilalim ng Belt and Road Initiative, at palalimin ang komprehensibo, estratehiko, at kooperatibong partnership ng dalawang bansa.

Salin: Liu Kai