Nag-usap ngayong araw, Lunes, ika-27 ng Mayo 2019, sa Beijing, sina Premyer Li Keqiang ng Tsina at Punong Ministro Charlot Salwai ng Vanuatu.
Sinabi ni Li, na nakahanda ang Tsina, kasama ng Vanuatu, na ibayo pang pasulungin ang komprehensibo at estratehikong partnership ng dalawang bansa, at palalimin ang bilateral na kooperasyon sa imprastruktura, kalakalan, pangingisda, turismo, at iba pa. Ipinahayag din niya ang pagkatig sa pagpapatingkad ng mahalagang papel ng Vanuatu sa mga suliranin sa rehiyon ng Timog Pasipiko.
Ipinahayag naman ni Salwai ang kahandaan ng Vanuatu, kasama ng Tsina, na palalimin ang pagpapalagayan sa pagitan ng mga pamahalaan at mamamayan, at pasulungin ang bilateral na relasyon at relasyon ng Tsina at mga bansang isla sa Pasipiko.
Salin: Liu Kai