Pagkumpuni sa pambansang istadyum ng Myanmar na may ayudang Tsino, pinasinayaan

Pinasinayaan nitong Linggo, Agosto 11, sa Yangon, ang proyekto ng pagkumpuni o refurbishment project ng pambansang istadyum ng Myanmar, na may ayudang Tsino. Ang Shanghai Construction Group (SCG) ng Tsina ang namamahala sa proyekto, batay sa kahilingan ng panig ng Myanmar.

Si Chen Hai

Lumahok sa pasinaya sina Chen Hai, Sugo ng Tsina sa Myanmar; Myint Htwe, Ministro ng Kalusugan at Isports ng Myanmar; at Phyo Min Thein, Punong Ministro ng Rehiyon ng Yangon, at iba pa.

Ang pambansang istadyum ng Myanmar ay itinatag noong 1986, sa pagtataguyod ng Tsina. Itinuturing ito bilang muhon ng pagkakaibigan ng Tsina't Myanmar.

Salin: Jade

Pulido: Mac