Porum na Pang-negosyo ng Pilipinas at Tsina, idinaos sa Beijing

Idinaos Agosto 30, 2019 ang Porum na Pang-negosyo ng PIlipinas at Tsina sa Beijing. Dumalo si Pangulong Rodrigo Roa Duterte, mga miyembro ng kaniyang gabinete at mga business leaders ng Pilipinas at Tsina.

Sa kanyang talumpati, pinasalamatan ni Pangulong Duterte ang sektor ng negosyo sa Tsina na bahagi ng pag-unlad ng Pilipinas at nagtitiwala sa kalagayang pang-ekonomiya ng bansa. Muling giniit ni Pangulong Duterte ang kanyang pangakong itatag ang isang business friendly environment, upang matiyak ang paglago ng dayuhang pamumuhunan.

Binigyan diin niyang tutol ang kanyang pamahalaan sa anumang uri ng korupsyon lalo na sa mga tanggapan na direktang may kinalaman sa pamumuhunang dayuhan.

Isa sa mga hangarin ng business forum ang pagkakaroon ng kooperasyon at partnership ng Pilipinas at Tsina sa mga industriya ng konstruksyon at industriya ng bakal.

Dumalo rin ang ilang opisyal Pilipino at mga kinatawan ng sektor ng negosyo at pamumuhunan ng kapwa Pilipinas at Tsina, kabilang ang Philippine Chamber of Commerce and Industry, Federation of Filipino Chinese Chamber of Commerce and Industry Inc. at China International Chamber of Commerce for the Private Sector (CICCPS).

Ulat: Mac
Larawan: Jade/Frank
Edit: Jade