Mga lider na dayuhang kalahok sa seremonya ng pagpipinid ng Beijing International Horticultural Exhibition, kinatagpo ng Premyer Tsino

Magkakasunod na kinatagpo ni Premyer Li Keqiang ng Tsina ang mga lider na dayuhang kalahok sa seremonya ng pagpipinid ng 2019 Beijing International Horticultural Exhibition.

Sa kanyang pakikipagtagpo kay Hor Nanhong, Pangalawang Punong Ministro ng Cambodia, ipinahayag ni Premyer Li ang kahandaan ng Tsina na patuloy na pasulungin ang talastasan hinggil sa kasunduan ng malayang kalakalan ng dalawang bansa at Regional Comprehensive Economic Partnership (RCEP). Kasabay nito, pasusulungin din ang pagsasanggunian hinggil sa Code of Conduct in the South China Sea (COC) para magkasamang mapangalagaan ang katatagan at kapayapaan ng rehiyon.

Sinabi naman ni Hor Nanhong na ang pagkakalagda ng plano ng aksyon para sa pagtatatag ng komunidad ng Tsina't Cambodia na may pinagbabahaginang kinabukasan ay ibayo pang magpapasulong ng komprehensibong estratehikong partnership at mga pragmatikong pagtutulungan ng dalawang bansa.

Salin: Jade
Pulido: Mac