Ayon sa pinakahuling datos na ipinalabas nitong Huwebes, Oktubre 17 ng State-owned Assets Supervision and Administration Commission (SASAC) ng Tsina, noong unang tatlong kuwarter ng taong ito, lumampas sa 1.05 trilyong yuan RMB ang netong tubo ng mga Sentral na Bahay-kalakal na Ari ng Estado (Central SOEs). Ito ay mas mataas ng 7.4% kumpara sa gayunding panahon ng taong 2018. Samantala, umabot sa 22.1 trilyong yuan RMB ang kita ng nasabing mga bahay-kalakal na Tsino. Mas malaki ito ng 5.3% kumpara sa gayunding panahon ng taong 2018.
Kabilang dito, ang mga central SOE sa mga larangan na gaya ng power generation, konstruksyon, at transportasyon ay kinakitaan ng mabilis na paglaki ng tubo. Kasabay nito, kapansin-pansin ding lumaki ng 25% ang laang gugulin sa pananaliksik at pag-unlad (R&D) ng mga central SOE, partikular na ng mga bahay-kalakal mula sa mga sektor ng national grid, at telekomunikasyon.
Salin: Jade
Pulido: Rhio