Inilabas nitong Lunes, Mayo 18, 2020 ng GNSS and LBS Association of China (GLAC) ang white paper hinggil sa pag-unlad ng industriya ng satellite navigation at location-based service ng Tsina sa taong 2020.
Ayon sa nasabing white paper, halos 345 bilyong yuan RMB ang kabuuang halaga ng output ng industriya ng satellite navigation at location-based service ng bansa noong 2019, at ito ay lumaki ng 14.4% kumpara noong 2018.
Sa Hunyo ng taong ito, ilulunsad ng Tsina ang huling BDS-3 satellite, at komprehensibong itatatag ang BeiDou Navigation Satellite System (BDS). Ipagkakaloob nito sa mga global users ang 7 serbisyong kinabibilangan ng mas de-kalidad na location-based service, at pandaigdigang paghahanap at pagliligtas.
Salin: Vera