Virtual symposium ng Tsina at ASEAN ukol sa kooperasyon kontra pandemiya, idinaos

Ginanap nitong Miyerkules, Mayo 20, 2020 ang virtual symposium ng Tsina at mga bansa ng Association of Southeast Asian Nations (ASEAN) hinggil sa kooperasyon kontra pandemiya ng COVID-19.

Sa kanyang talumpati sa simposyum, tinukoy ni Xu Pingping, Punong Direktor ng CABS, na sa harap ng resesyon ng kabuhayang dulot ng pandemiya, kasabay ng pagpapalakas ng pagpigil at pagkontrol sa pandemiya, dapat aktibong panumbalikin ng Tsina at mga bansang ASEAN ang pagpapalitang pangkalakalan, pabutihin ang industry chain sa loob ng rehiyon, at pasulungin ang mahahalagang proyekto ng kooperasyon ng kapuwa panig.

Diin ni Xu, ang taong 2020 ay taon ng kooperasyon sa digital economy ng Tsina at ASEAN.

Ito aniya ay angkop na panahon upang mapalakas ang kooperasyon ng magkabilang panig sa mga larangang gaya ng telemedicine services, e-commerce, on-line trading at iba pa.

Ang nasabing simposyum ay inilunsad ng China-ASEAN Business Council (CABS).

Salin: Vera