Huling round ng "Chinese Bridge" Competition-Philippine Division, ipininid

Ipininid Sabado, ika-11 ng Hulyo, 2020 ang huling round ng Philippine Division ng ika-19 na "Chinese Bridge"-Chinese Proficiency Competition for Foreign College Students.

Labinlimang (15) estudyanteng Pilipino ang sumali, at nakuha ni Jessa Leigh T. Bugarin mula sa Confucius Institute ng Angeles University Foundation (AUF) ang unang puwesto.

Sa kanyang pambungad na mensahe, sinabi ni Huang Xilian, Embahador Tsino sa Pilipinas, mahalaga ang nasabing kompetisyon para sa ika-45 anibersaryo ng pagkakatatag ng relasyong diplomatiko ng Tsina at Pilipinas. Umaasa aniya siyang magiging sugo ng pagkakaibigan ang lahat ng mga kalahok na estudyante.

Ang pinal na round ng kompetisyon ay kinabibilangan ng 4 na bahagi: Quiz Bee, Impromptu Speech Topic:" One World, One Family," Talent Showcase, at Freestyle Final Message.

Dahil sa epekto ng Novel Coronavirus disease (COVID-19), ang nasabing kompetisyon ay idinaos sa pamamagitan ng online na plataporma.

Ito ay inorganisa ng Confucius Institute ng AUF.

Salin: Ernest
Pulido: Rhio