Isinapubliko kagabi, Lunes, ika-13 ng Hulyo 2020, ng pamahalaan ng Myanmar, na mananatiling ipapatupad hanggang huling araw ng buwang ito ang mga hakbangin ng restriksyon bilang pagpigil at pagkontrol sa Coronavirus Disease 2019 (COVID-19).
Ayon sa dating iskedyul, nakatakdang matapos ang mga hakbangin ng restriksyon bukas, ika-15 ng buwang ito. Ito ang ika-6 na beses na ekstensyon ng pamahalaan ng Myanmar ng naturang mga hakbangin.
Hanggang sa kasalukuyan, naitala sa Myanmar ang 336 na kumpirmadong kaso ng COVID-19. Kabilang dito, 6 ang nasawi, at 261 naman ang gumaling na.
Salin: Liu Kai