Ecological park at pagawaan ng bakal sa Anhui, sinuri ni Pangulong Xi Jinping

Naglakbay-suri kahapon, Miyerkules, ika-19 ng Agosto 2020, si Pangulong Xi Jinping ng Tsina, sa lunsod ng Ma'anshan, lalawigang Anhui sa silangan ng bansa.

Habang bumibisita sa Xuejiawa Ecological Park, sinuri ni Xi ang kalagayan ng tubig ng Ilog Yangtze, tiningnan ang komprehensibong pagsasaayos ng mga waterfront, pati na rin ang proteksyon at restorasyon ng kapaligiran.

Pumunta rin siya sa Magang Group ng China Baowu Steel Group, para alamin ang tungkol sa kalagayan ng pagpapanumbalik ng negosyo at operasyon ng kompanya.

Salin: Liu Kai