Sa kanyang pagdalo sa Ika-3 Pulong ng mga Lider ng Lancang-Mekong Cooperation (LMC) na idinaos sa Beijing Lunes, Agosto 24, 2020, ipinahayag ni Premyer Li Keqiang ng Tsina, na dahil ginagamit ng 6 na bansa sa Ilog Mekng ang tubig mula sa isang ilog, ito ay ehemplo ng komunidad ng pinagbabahaginang kapalaran.
Aniya, ang LMC ay umuunlad dahil sa tubig, kaya ang tubig ay hindi lamang mahalagang temang pangkooperasyon, kundi nakapagbibigay rin ng diwa para sa mapagkaibigang pakikipamuhayan at pagkakaroon ng mutuwal na kapakinabangan.
Nitong mahigit 4 na taong nakalipas, puspusang isinusulong ng mga kaukulang bansa ang kooperasyon sa mekanismo ng yamang tubig, aniya pa.
Ipinagdiinan ni Li na dapat lubos na igalang ang lehitimong karapatan at kapakanan ng iba't-ibang bansa sa paggagalugad at paggamit ng yamang tubig.
Dapat din aniyang isaalang-alang ang kapakanan at pagkabahala ng isa't-isa.
Sa abot ng makakaya, nakahanda ang Tsina na magkaloob ng mas maraming tulong sa iba't-ibang bansa tungo sa mas mabuting paggamit ng yamang tubig, dagdag ni Li.
Sinabi pa ng premier Tsinong, mula kasalukuyang taon, ibabahagi ng Tsina sa mga bansa sa kahabaan ng Ilog Mekong ang hydrological information sa buong taon, at itatatag ang platapormang pangkooperasyon sa yamang tubig ng Ilog Lancang-Mekong para mas mabuting maharap ang pagbabago ng klima, baha at tagtuyot.
Salin: Lito