Pagsabog sa Jolo, Sulu: di-kukulangin sa 9 na katao, patay

(GMT+08:00) 2020-08-24 16:08:52       CRI2020-08-24 16:08:53

Di-kukulangin sa 9 na katao ang nasawi sa serye ng mga pagsabog na naganap Lunes, Agosto 24, 2020 sa Jolo, Sulu.

Ayon sa Philippine National Police (PNP), ang unang pagsabog ay naganap mga alas-11:53 ng umaga sa paligid ng isang grocery store sa Jolo, na ikinamatay ng di-kukulangin sa 9 na katao.

Dagdag pa nito, mga 1:00 ng hapon, naganap ang ika-2 pagsabog, ilampung metro lamang ang layo sa pinangyarihan ng unang pagsabog.

Sa kasalukuyan, hindi pa malinaw ang eksaktong bilang ng kasuwalti.

Ayon sa PNP, hindi pa nila maaaring isiwalat ang mas maraming detalye kaugnay ng nasabing dalawang pagsabog.

Wala pang organisasyon o indibiduwal ang umaamin ng responsibilidad sa nasabing insidente.

Salin: Vera