Sa kanyang pakikipag-usap sa telepono nitong Lunes ng gabi, Agosto 31, 2020 kay Pangulong Joko Widodo ng Indonesia, tinukoy ni Pangulong Xi Jinping ng Tsina, na dahil sa napakalaking populasyon sa kapwa bansang Tsina at Indonesia, napakahirap ng tungkulin ng pakikibaka laban sa Coronavirus Disease 2019 (COVID-19).
Sinabi ni Xi na patuloy na bibigyan ng matatag na suporta ng panig Tsino ang panig Indones sa usaping ito, ipagkakaloob sa abot ng makakaya, ang tulong na materiyal at teknikal, at ibabahagi ang kaukulang karanasan sa panig Indones.
Ipinagdiinan din ni Xi na ang Indonesia ay mapagkaibigang kapitbansa at mahalagang katuwang ng Tsina. Lubos aniyang pinahahalagahan ng panig Tsino ang pagkabahala at pangangailangan ng panig Indones sa aspekto ng kooperasyon sa bakuna. Kinakatigan ng panig Tsino ang pagsasagawa ng kooperasyon ng mga bahay-kalakal ng dalawang bansa sa pagsubok-yari, pagbili, at produksyon ng bakuna, dagdag pa niya.
Ipinahayag naman ni Joko na sa kabila ng pandemiya ng COVID-19, napapanatili ng dalawang bansa ang mahigpit na pagpapalagayan. Pinasalamatan niya ang ibinibigay na suporta ng panig Tsino sa pakikibaka ng Indonesia laban sa epidemiya, partikular na pakikipagkooperasyon sa Indonesia sa usapin ng bakuna.
Salin: Lito