Pag-ban ng pamahalaang Amerikano sa WeChat, pinahinto ng korte

Ayon sa ulat ng Reuters nitong Linggo, Setyembre 20, 2020, nilagdaan nang araw ring iyon ng isang mahistrado ng Estadong California ng Amerika ang pansamantalang pagpapatigil sa pag-ban ng Kagawaran ng Komersyo ng Amerika sa WeChat sa mga app stores ng Amerika.

Ang WeChat ay isang messaging app na pag-aari ng Tencent Holdings ng Tsina.

Ayon sa kautusan ng Kagawaran ng Komersyo ng Amerika nitong Biyernes, dapat alisin ng Apple Inc at Google (Alphabet Inc) ang WeChat mula sa mga app store simula Setyembre 20.

Sinabi ni Magistrate Judge Laurel Beeler ng San Francisco na "di-konkreto" ang ebidensiya sa akusasyon ng pamahalaan ni Donald Trump na ang WeChat ay nagsasapanganib sa pambansang seguridad ng Amerika.

Hindi rin maaaring ipaliwanag ng utos ni Trump kung paano pangangalagaan ng ban sa WeChat ang pambansang kapakanan ng Amerika.

Sa kasalukuyan, wala pang komento ang Kagawaran ng Komersyo sa nasabing hatol.

Salin: Vera