On-line na resepsyon bilang pagdiriwang sa Pambansang Araw at Mooncake Festival, idinaos ng Embahadang Tsino sa Pilipinas; relasyong Sino-Pilipino, nagtamo ng kapansin-pansing bunga

Sa bisperas ng Ika-71 Anibersaryo ng Pagkakatatag ng People's Republic of China (PRC) at Mooncake Festival, idinaos Miyerkules, ika-30 ng Setyembre 2020, ng Embahadang Tsino sa Pilipinas ang on-line na resepsyon.

Ipinahayag ni Huang Xilian, Embahador ng Tsina sa Pilipinas, na nitong 71 taong nakaraan, natamo ng Tsina ang kapansin-pansing bunga sa iba't ibang larangan.

Sinabi pa niyang sa pamamagitan ng estratehikong pamumuno nina Pangulong Xi Jinping ng Tsina at kanyang counterpart na si Rodrigo Roa Duterte ng Pilipinas, patuloy na lumalalim ang mga aktuwal na kooperasyon ng dalawang bansa sa iba't ibang panig.

Ipinahayag din ni Huang ang paghanga sa pagdadamayan ng mga mamamayan ng dalawang bansa sa gitna ng epidemiya ng COVID-19.

Muli nito aniyang ipinakikita ang pagkakaibigan, kapatiran at partership ng Tsina't Pilipinas sa bagong panahon.

Bukod dito, sinabi ni Huang na tutupdin ng panig Tsino ang pangako nitong bibigyan ng proyoridad ang pangangailangan ng Pilipinas sa bakuna ng COVID-19, sa sandalling maisapinal ang pananalisik at pagyari nito.

Lumahok sa online na resepsyon ang halos 2.5 milyong ethnic at overseas Chinese sa Pilipinas, mga kinatawan ng bahay-kalakal ng Tsina, mga estudyanteng Tsino at gurong nagtuturo ng wikang Tsino sa Pilipinas.

Ulat: Ernest
Pulido: Rhio/Jade
Larawan: Pasuguan ng Tsina sa Pilipinas