Tampok sa New Year;s Special ng Mga Pinoy sa Tsina ang duo nila Roger at Bing Castaneda na naka base sa Sanya, island paradise na makikita sa lalawigang Hainan ng Tsina. Sila ay tumutugtog sa HNA Resort. Si Roger Castaneda ang kasalukuyang Pangulo ng Sarap Buhay Group o SBG–Sanya . Ang SBG ay isang grupo na binubuo ng mga OFWs, karamihan sa kanila ay mga entertainers.
Sina Bing at Roger Castaneda
Sa naunang panayam ng Mga Pinoy sa Tsina sa mag-asawang singers, ibinahagi nila ang walang kaparis na samahan ng SBG na subok na subok na sa tibay. Napakaming mga pagkakataon na kailangan nilang kanlungin ang mga kababayang nagkakaproblema sa employer at visa. Ang kanilang tahanan sa Sanya ay bukas sa mga Pilipino na nangungulila sa pamilya, problemado sa trabaho o kaya ay may mga pasanin sa buhay at naghahanap ng karamay. Pero ngayong kapaskuhan, syempre tambayan at party place ito ng mga OFWs na nasa Sanya.
Sa programa mapapakinggan ang dalawang orihinal na komposisyon ni Roger Castaneda. Angkop ang mga awiting ito dahil sa positibong mensahe na makapagbibigay inspirasyon lalo na sa pagpasok ng bagong taon. Para mapakinggan ang OPM ni Roger Castaneda na Hindi Pa Tapos ang Laban at Ulirang Ina, pakinggan ang buong episode ng Mga Pinoy sa Tsina kasama si Mac Ramos.
Ilang mga miyembro ng SBG sa Sanya
