|
||||||||
|
||
Seremonya ng Paggagawad ng 2011 Chinese City Rankings, idinaos sa BJ; GMA reporter, kalahok
Heto'y interview kay Kimberly Tan, News Producer ng GMA News Online na lumahok sa seremonya:
Idinaos ngayong hapon sa China Radio International ang Seremonya ng Paggagawad ng 2011 Chinese City Rankings na nasa pagtataguyod ng CRI online. Ayon sa mga rekomendasyon ng mga netizens sa apat na sulok ng daigdig, ang Beijing, Chengdu, Xi'an, Nanjing, Lhasa, Dali, Guangzhou, Guilin, Pingyao at Qingdao ay kabilang sa top ten cities na may pinakakatangi-tanging kulturang Tsino.
Sa dalawang buwang 2011 Chinese City Rankings program, mahigit 5.76 milyong boto ang natanggap ng CRI online sa iba't ibang lingguahe na kinabibilangan ng filipino.cri.cn sa pamamagitan ng SMS at online voting at kabilang dito, 65.84% ng mga boto ay nanggaling mula sa labas ng Tsina.
Inanyayahan ding lumahok sa programang ito bilang Philippine partner ang GMA network at ang GMA reporter na si Kimberly Tan ay ipinadala para ikober ang kanyang biyahe sa ilan sa nasabing top ten cities na gaya ng Chengdu at Nanjing at mababasa ninyo ang kanyang mga ulat sa city rankings special ng CRI Filipino Service na https://filipino.cri.cn/other/2011city/index.html.
Ang consul ng Philippine Embassy sa Beijing na si Myca Fischer ay inanyayahan ding bilang panauhin para maggawad ng gantimpala sa isa sa mga top ten cities.
Sa kanyang talumpati sa seremonya, ipinahayag ni CRI President Wang Gengnian ang kanyang pag-asang sa pamamagitan ng aktibidad na ito, malalaman ng mga tagasubaybay sa lahat ng sulok ng mundo ang magagandang tanawan, mababait na mamamayan at malalim na kultura ng Tsina sa pamamagitan ng kani-kanilang pambansang wika.
Salin: Jade; Reporter: Andrea, Ernest
© China Radio International.CRI. All Rights Reserved. 16A Shijingshan Road, Beijing, China. 100040 |