Binuksan ngayong araw sa Kyoto International Conference Center sa Kyoto, Hapon, ang 2 araw na Ika-11 East Asia Forum. Sa porum na ito, tatalakayin ng mga kinatawan mula sa 10 bansang ASEAN, Tsina, Hapon at Timog Korea ang isyu hinggil sa pagpapalakas ng kooperasyong panrehiyon sa pamamagitan ng pagpapaunlad ng industriyang panturismo.
Ang tema ng naturang porum ay "Pagpapabuti ng Pagpapalitan ng mga Tao sa Pamamagitan ng Kooperasyong Panturismo". Mahigit 60 kinatawan ang kalahok sa naturang porum.
Sa kanyang talumpati sa seremonya ng pagbubukas, ipinahayag ni Rong Ying, Minister Counselor ng Emabahadang Tsino sa Hapon, na pinahahalagahan ng Pamahalaang Tsino ang pag-unlad ng industriya ng transnasyonal na turismo. Noong nakaraang taon, mahigit 52 milyong turistang dayuhan aniya ang bumisita sa Tsina; at ang bilang ng turistang Tsino na naglakabay sa ibayong dagat ay umabot sa 83 milyon.
Salin:Sarah