Hinggil sa CRIHinggil sa Serbisyo Filipino
   

Mungkahi ni Premiyer Li hinggil sa pagpapalakas ng relasyong Sino-ASEAN, nakatawag ng pansin ng ASEAN experts

(GMT+08:00) 2013-10-11 17:27:55       CRI
Lumahaok si Premiyer Li Keqiang ng Tsina sa Ika-16 na pulong ng mga lider ng Tsina at ASEAN na idinaos kamakalawa sa Bandar Seri Begawan, Brunei. Sa pulong, iniharap ni Premiyer Li ang mga mungkahi hinggil sa pagpapalakas ng relasyon ng Tsina at ASEAN.

Kaugnay nito, sinabi ni Hassanal Bolkiah, Sultan ng Brunei, na pinapupurihan niya ang mungkahi ni Premiyer Li na may kinalaman sa upgrading ng Malayang Zonang Pangkalakalan ng Tsina at ASEAN o (CAFTA). Ipinalalagay niyang ang mungkahing ito ay makakabuti sa lalo pang pagpapalakas ng relasyong pangkabuhayan ng rehiyong ito sa Tsina, at makabuti rin sa pag-angkop ng kabuhayan ng rehiyong ito sa pagbabago ng kabuhayang pandaigdig.

Sinabi ni Le Luong Minh, Pangkalahatang Kalihim ng ASEAN na ipinalalagay ng lahat ng miyembro ng ASEAN na ang upgrading ng CAFTA ay isang positibong signal na nagpapakita na nagsisikap ang Tsina para mapalakas ang pakikipagkooperasyon nito sa ASEAN sa darating na 10 taon. Ipinalalagay ng kapuwa Tsina at ASEAN na napakahalaga ng pagpapasulong ng kooperasyon ng dalawang panig.

Sinabi ni HuangBin, dalubhasa ng Thailand Kaitai Research Center, na ang upgrading ng CAFTA ay makakabuti sa pagpapalalim ng pagkakaisa ng kabuhayan ng rehiyong ito. Sa hinaharap, tiyak na mabubuo ang isang napakalaking economy na may kalahating populasyon ng daigdig, at sangkatlo ng kabuuang halaga ng produksyon at halaga ng kalakalan ng daigdig.

Ipinahayag ni Huang Jingcheng, dalubhasa ng Malaysia na ang mungkahi ni Premiyer Li ng na upgrading ng CAFTA ay nakatawag ng pansin ng mga bansang ASEAN. Ang madalas na pagdalaw ng bagong liderato ng Tsina sa mga bansang ASEAN ay nagpapakita ng pagkakaibigan ng Tsina sa mga bansang Timog Silangang Asiya, at optimistiko ang kinabukasan ng pag-unlad ng relasyon ng Tsina at ASEAN sa darating na 10 taon.

Sinabi naman ng puno ng Pathet Lao News Agency ng Laos na sa talumpati, iniharap ni Premiyer Li ang pagpapalakas ng inter-link at inter-connection. Ito ay makakatulong sa Laos para maging isang bansa na maginhawa ang trapiko.

Bukod dito, ipinahayag ni KimV. Narry, dalubhasa ng Britaniya na pinapupurihan niya ang mga mungkahi na iniharap ni Li. Sinabi rin ni Steve Herman ng mamamahayag mula sa Voice of America na sa talumpati, ipinahayag ni Premiyer Li na dapat lutasin ang isyu ng South China Sea sa pamamagitan ng talastasan ng mga bansang may direktang kinalaman, at hindi maaapektuhan ng isyu ng South China Sea ang pangkalahatang kalagayan ng kooperasyon ng Tsina at ASEAN. Pinapupurihan din niya ang paninindigang ito ni Premyer Li .

Salin:Sarah

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>