Ipinahayag ngayong araw ni Shen Danyang, Tagapagsalita ng Ministri ng Komersyo ng Tsina, na pabibilisin ng mga may kinalamang departamento ng bansa ang pagkokonsolida sa mga batas na may kinalaman sa pondong panloob at panlabas para mapanatili ang katatagan, transparency at prediktibilidad ng mga patakaran hinggil sa pondong dayuhan, at itatatag ang pantay-pantay na market access para sa mga pamumuhunan.
Ipinahayag pa ni Shen na, pasusulungin ng kanyang ministri ang maayos na pagbubukas ng pinansiya, edukasyon, medika at iba pang larangan. Dagdag pa niya, ibayong pang paluluwagin ang limitasyon ng pondong dayuhan sa mga aspektong tulad ng pag-aalaga sa mga bata at matanda; pag-akawnt at pag-odit, industriya ng bakal at kemikal na kinabibilangan ng pagpapaluwag ng limitasyon ng pondong dayuhan sa registered capital, bahagdaan ng stock right, at iba pa.
"Sa susunod, papayuhan ng Tsina ang mga internasyonnal na kompanya na magtatag ng research and development center, procurement center at iba pang functional organ sa Tsina, kasama na ang paggigiit sa mga ito na magtatag ng mga plataporma ng pampublikong serbisyong siyentipiko." dagdag pa ni Shen.